۱-د سترګو د سلامتيا لپاره ګټور دی
کدو ډېر زیات ویټامین A لري، چې د سترګو د لید ښه والي او ساتنې لپاره اړین دی. دا ویټامین د سترګو له ناروغیو مخنیوی کوي.
۲– د معافیت سیستم پیاوړی کوي
کدو ویټامین C او انټياکسیدنټونه لري، چې د بدن دفاعي سیستم پیاوړی کوي او د میکروبونو، ویروسونو او نورو ناروغیو پر ضد مقاومت زیاتوي.
۳– هاضمه ښه کوي
کدو فایبر یا فایبري مواد لري، چې د کولمو فعالیتونه تنظیموي، قبضیت له منځه وړي او د هاضمې سیستم سالم ساتي.
۴– د زړه روغتیا ته ګټور دی
کدو کم غوړ او ډېر پوتاشیم لري، چې د وینې فشار ټیټوي او د زړه د حملو د خطر مخه نیسي.
۵– وزن کمولو کې مرسته کوي
کدو لږ کالورۍ لري او فایبري مواد پکې شته، نو د وزن کمولو لپاره یو مناسب خواړه بلل کېږي.
۶– د پوستکي لپاره مفید دی
په کدو کې ویټامین E، ویټامین C او بیټا-کروټین شتون لري، چې پوستکی تازه، روڼ او ځوان ساتي، او د زړښت نښې راکموي.
۷– د سرطان ضد خاصیت لري
کدو د انټياکسیدنټونو لکه بیټا-کروټین سرچینه ده، چې د سرطان د حجرو د ودې مخه نیسي او د حجراتو د تخریب مخنیوی کوي.
۸– د خوب کیفیت ښه کوي
کدو یو طبیعي امینو اسید، ټریپټوفان لري، چې د خوب راوستلو کې مرسته کوي او د ذهني سکون سبب ګرځي.