د کرنې، اوبولګولو او مالدارۍ وزارت د مرکزي او ولایتي رییسانو د همغږۍ درې ورځنی سیمینار د دغه وزارت د پامیر د غونډو په تالار کې د کرنې، اوبولګولو او مالدارۍ د وزیر، د مالي او اداري مرستیال، د مرکزي او ولایتي رئیسانو او د وزارت د آمرینو په حضور کې پرانیستل شو.
په دې سیمینار کې د کرنیزې پرمختیا صندوق عمومي رئیس هم ګډون وکړ. نوموړي د خپلې وینا پر مهال د صندوق د فعالیتونو، موخو او لاستهراوړنو په اړه ګډونوالو ته تفصیلي معلومات وړاندې کړل. همدارنګه یې د هیواد د کرنیز سکتور د ودې او پرمختیا په موخه کروندګرو او کرنیزو تشبثاتو ته د اسلامي تمویلاتو د وړاندې کولو څرنګوالي هم په تفصیل سره تشریح کړ.